உன் ரகசிய ரசிகை நான் 183

Episode 183

ராதா, கீர்த்திகா, நிலானி மூவரும் சேர்ந்து, சும்மா சென்ற தீபாவை அழைத்து, அவளுக்கும் சந்தோஷிற்கும் என்ன சம்மந்தம் இருக்கிறது என்று அவளைக் கடுப்பேற்றினர்.

தீபாவும் வீம்பு பிடித்துக்கொண்டு, இவர்கள் மூவரிடமும் வம்பு செய்தாள்.

கடைசியாக, “சந்தோஷிற்கும் தீபாவுக்கும் என்ன சம்மந்தம்? அதை வெளிப்படையாகச் சொல்,” என்று கீர்த்திகா கேட்டாள்.

அதில் கடுப்பான தீபா, “நான் சந்தோஷ் சாரை லவ் பண்றேன், போதுமா?” என்று சொல்லிவிட்டு அங்கிருந்து கிளம்பி, தன் தோழிகள் இருந்த மேசைக்குச் சென்றாள்.

அவள் கூறியதைக் கேட்டதும் ராதாவிற்குப் பேரதிர்ச்சியாக இருந்தது. அவளுக்குக் கண்களில் கண்ணீரே வந்துவிட்டது.

ராதா எதுவும் எதிர்வினை ஆற்றாமல் (ரியாக்ட் செய்யாமல்) அப்படியே உறைந்து போய் அமர்ந்திருக்க, அதைப் பார்த்த கீர்த்திகாவிற்கு மிகவும் கவலையாகிவிட்டது. “தேவையில்லாமல் தீபாவை அழைத்து, அவள் வாயைக் கிளறி, இப்போது தங்களுக்குத்தான் வீண் சங்கடம்,” என்று நினைத்தாள்.

ராதாவின் கையைப் பிடித்துக்கொண்டு, “ஏய் ராதா, என்னடி, எதுவுமே பேசாமல் அமைதியாக இருக்க?” என்று கேட்டாள் நிலானி.

ராதா அதிர்ச்சியாகத் திரும்பி நிலானியைப் பார்த்து, “உன் வீட்டுக்காரரை லவ் பண்றேன்னு என்கிட்டயே சொல்லிட்டுப் போறா,” என்றால் அழுத விழிகளோடு.

“ஏய், அவ நிஜமாவே உன் வீட்டுக்காரரை லவ் பண்றேன்னு சொல்றா! இவளைச் சும்மா விடக்கூடாது, இருங்கடி,” என்று சொல்லிவிட்டு கீர்த்திகா எழுந்து நேராகத் தீபாவிடம் சென்றாள்.

தன் தோழிகளோடு பேசிக்கொண்டிருந்த தீபா, எதிரில் வந்து நின்ற கீர்த்திகாவைப் பார்த்து, “இப்ப என்ன வேணும்? ஏன் இப்போ இங்கே வந்து நிற்கிறீங்க?” என்று கேட்டாள்.

“ஏய், நிஜமாவே நீ சந்தோஷை லவ் பண்றியா?” என்றால் கீர்த்திகா.

கீர்த்திகா சொன்னதும், தன் தோழிகளைப் பார்த்துச் சிரித்தவள், பிறகு திரும்பி, “ஆமாம், ஏன்?” என்றால்.

“நீ லவ் பண்றது சந்தோஷிற்குத் தெரியுமா?” என்று கேட்டாள் கீர்த்திகா.

“இதுவரைக்கும் தெரியாது. நீங்க எல்லாம் தோண்டித் துருவிக் கேட்கிறதுனால, இன்னைக்கு கண்டிப்பா என்னோட காதலை நான் சந்தோஷ் சார்கிட்ட சொல்லலாம்னு முடிவு பண்ணிட்டேன்,” என்றால் தீபா.

தீபா சொன்னதைக் கேட்ட ராதாவிற்கு கோபம் வர, நேராக எழுந்து வந்தவள், தீபாவிடம் வந்து, “ஏய், உனக்கு எவ்வளவு தைரியம் இருந்தால் சந்தோஷ் சார்கிட்ட இன்னைக்குப் போய் புரொபோஸ் பண்ணுவேன்னு சொல்லுவ?” என்றால்.

“ஏன், நான் சொன்னால் உங்களுக்கு என்ன வந்துச்சு? ஏன், நீங்க ஒரு லவ் பண்றீங்களா?” என்றால் தீபா.

கீர்த்திகா உடனே, “ஏய், இவ யாருன்னு உனக்கு முதல்ல தெரியுமாடி?” என்று ராதாவைக் காட்டி தீபாவிடம் கேட்க…

“இங்க பாருங்க, இந்த ‘வாடி’, ‘போடி’ன்னு மரியாதை இல்லாம பேசுற வேலையெல்லாம் வச்சுக்காதீங்க. ஒழுங்கா பேர் சொல்லி கூப்பிடுங்க,” என்றவள்.

ராதாவைப் பார்த்து, “இவங்க யாராக இருந்தால் எனக்கு என்ன? நீங்க கேள்வி கேட்டீங்க, நான் பதில் சொல்லிட்டேன். அந்த விஷயம் அதோடு முடிஞ்சிடுச்சு. அதை விட்டுட்டு, இப்ப எதுக்கு இங்கே வந்து என்கிட்ட வம்பு பண்றீங்க?” என்றால் தீபா கோபமாக.

தீபா பேசியதைப் பார்த்த நிலானிக்குமே கோபம் வர, எழுந்து வந்து அவளிடம், “இங்க பார்மா, நீ என்னன்னு விஷயம் தெரியாம இவங்க கிட்ட பேசிக்கிட்டு இருக்க. இவ யாரு தெரியுமா?” என்று நிலானி ராதாவைப் பற்றிச் சொல்ல வர…

“சும்மா இவங்க யாரு, இவங்க யாருன்னு தெரியுமான்னு கேட்டுட்டு இருக்கீங்க! இவங்க யாரா இருந்தா எனக்கு என்ன? இப்ப சொல்றேன், நல்லா மூணு பேரும் கேட்டுக்கோங்க. நான் சந்தோஷ் சாரை லவ் பண்றேன். இன்னைக்கு நான் அவர்கிட்ட என்னோட லவ்வை சொல்லப் போறேன். நீங்க வந்து பாருங்க,” என்று சொல்லிக் கொண்டிருக்கும்போதே, அவள் கன்னத்தில் பளார் என்று அறை விழுந்தது.

தீபாவின் தோழிகள் மேசையில் அமர்ந்து இவர்கள் சண்டை போட்டுக்கொண்டிருப்பதைப் பார்த்து, சிரித்துப் பேசித் தங்களுக்குள் கிண்டல் செய்துகொண்டிருக்க, திடீரென்று தீபாவின் கன்னத்தில் அடி விழுந்ததும் நாற்காலியில் (சேரில்) இருந்து எழுந்துவிட்டனர்.

🏃 ஃபைல் ரூம் குழப்பம்

ரியா தன் அண்ணன் கௌதமின் திருமணத்திற்கு அலுவலகத்தில் (ஆஃபிஸில்) அனைவருக்கும் அழைப்பிதழ் (இன்விடேஷன்) வைத்துக்கொண்டு இருந்தால்.

ஸ்ரீ, ராதா அவனிடம் “ரியா ஸ்ரீயைக் காதலிக்கிறாள்,” என்று சொன்னதில் இருந்து, அவளைப் பார்க்க வேண்டும் என்ற ஆர்வமாக அலுவலகம் வந்தவன்.

ரியா அப்போதுதான் அனைவருக்கும் அழைப்பிதழ் கொடுக்க ஆரம்பித்திருக்க…

அவளைப் பார்த்ததும், கைப்பையைத் (பேக்கை) தன் தனி அறையில் (கேபினில்) வைத்தவன், நேராக ரியா செல்லும் இடம் எல்லாம் அவள் பின்னால் செல்ல…

அழைப்பிதழ் கொடுத்துக்கொண்டிருந்தவள், பழையபடி ஸ்ரீ தன் பின்னால் வருவதைக் கவனித்தவள்.

அவன் கையைப் பிடித்து இழுத்தவள், ஆவணக் காப்பறைக்குள் (ஃபைல் ரூமுக்குள்) அழைத்துச் சென்று, “இப்ப எதுக்குடா என் பின்னாடி வர? இத்தனை நாளா என் பின்னாடி சுத்தாமத் தானே இருந்தே? இப்போ எதுக்கு மறுபடியும் ஆரம்பிக்கிற? போ! போய்ப் உன் வேலையைப் பாரு!” என்று அவனைத் திட்ட…

ரியா ஸ்ரீயைத் திட்டுவதையெல்லாம் அவன் காதிலேயே வாங்கிக் கொள்ளவில்லை. மாறாக, அவள் பேசுவதெல்லாம் இவன் காதில் தேன் பாய்வது போலத் தன் முகத்தை வைத்துக்கொண்டு அவளைப் பார்த்துக் கொண்டிருந்தான்.

ஸ்ரீ ரியாவைப் பார்த்து அசடு வழிய நின்று இருக்க… ரியாவிற்கு அவனைத் திட்ட மனமே வரவில்லை.

அவன் அசடு வழிவதைப் பார்த்துச் சிரிப்பு வர, அதை அவனிடம் காட்டிக் கொள்ளாமல், “இப்படி என் பின்னாடி மறுபடியும் சுத்துனா, அப்புறம் நடக்குறதே வேற,” என்று சொல்லிவிட்டு, அந்த அறையை விட்டு வெளியே செல்லப் போக…

ஸ்ரீ, ரியாவின் கையைப் பிடித்து இழுத்து, தன் முன்னால் நிற்க வைத்தவன், “நேத்து நீ சொன்னதற்குப் பதில் எனக்குக் கிடைச்சிடுச்சு,” என்றான்.

“ஐயையோ! அதுக்குள்ள உனக்குப் புரிஞ்சு போயிடுச்சு,” என்று மனதிற்குள் நினைத்த ரியா, “என்ன தெரிஞ்சுச்சு சொல்லு?” என்றாள்.

“நான் சொல்லல, செய்து காட்டுறேன்,” என்று சொல்லி, அவள் பின்னங்கழுத்தில் கை வைத்து, அவளைத் தன்னோடு சேர்த்து இழுத்து நிறுத்தியவன், அவள் இதழைச் சிறை செய்தான்.

இதைச் சற்றும் எதிர்பாராத ரியா, அதிர்ச்சியில் தன் கண்களை அகல விரித்தவள். என்ன செய்வது என்று தெரியாமல் முதலில் தடுமாறியவள், பின்பு ஸ்ரீயின் தோள்கள் இரண்டிலும் மாறி மாறி அடித்தாள்.

அவள் அடித்ததையெல்லாம் ஒரு பொருட்டாகவே எடுத்துக் கொள்ளாத ஸ்ரீ, அவள் இதழை வேண்டிய அளவு ருசித்துவிட்டு, அதன் பின்பே ரியாவை விட்டான்.

தன்னிடமிருந்து பிரித்து ரியாவை நிற்க வைத்தவன், அவள் முகத்தைப் பிடித்து, “ரொம்ப நன்றி ரியா! நான் நீ என்னை லவ் பண்ணுவேன்னு எதிர்பார்க்கவே இல்லை. உன்னை என்னிக்கு பார்த்தேனோ, அப்போவே உன்னை நான் லவ் பண்ண ஆரம்பிச்சுட்டேன்,” என்றவன்.

அவள் முன்பு மண்டியிட்டு, தன் கைகள் இரண்டையும் விரித்து, மிகவும் சந்தோஷமாக, “ஐ லவ் யூ… டியர்…” என்று கத்தினான்.

அவன் ‘ஐ லவ் யூ…’ என்று கத்தியது அந்த அறை முழுவதும் எதிரொலித்தது.

அவன் தன் முன்பு மண்டியிட்டுத் தன் காதலைச் சொல்லவும், ரியாவிற்கு ஒரு புறம் சந்தோஷமாக இருந்தாலும், மறுபுறம் இவன் சத்தம் போட்டு ‘ஐ லவ் யூ’ என்று சொன்னதும், அது வெளியில் இருப்பவர்களுக்குக் கேட்டு, எங்கே யாரும் உள்ளே வந்துவிடுவார்களோ என்று வேகமாக வந்து அவன் வாயைப் பொத்தியவள்.

“என்ன லவ் பண்ற! சரி, அது எதுக்குடா இவ்வளவு கத்தி சொல்ற? வேற யாருக்கும் கேட்டால் என்ன ஆகுறது?” என்று ரியா அவனை இப்போதும் திட்ட…

மண்டியிட்டு இருந்த ஸ்ரீ, அவள் கையைப் பிடித்துக்கொண்டு, “நாம எப்போ கல்யாணம் பண்ணிக்கலாம் ரியா?” என்று ஆர்வமாக அவள் முகத்தை அண்ணாந்து பார்த்துக் கேட்க…

“உன்னோட அண்ணன் கல்யாணம் முடிஞ்சதும், அதே மணமேடையில் உனக்கும் ரியாவுக்கும் கல்யாணம் வச்சிடலாமா?” என்று கேட்க…

“ஓ… ஆம்! எனக்குச் சரிதான்! உனக்குச் சரிதானா ரியா?” என்று கேட்டபடி எழுந்தவன், அவள் கைகளைப் பிடித்துக்கொண்டு, “உன்னோட அண்ணன் கல்யாணம் எப்போ?” என்றான்.

அவன் கையைத் தன்னிடமிருந்து பிரித்தவள், “லூசு… லூசு… கத்தி ஊரையே கூப்பிட்டு வச்சுட்டு, என் மானத்தை வாங்கிட்டான்,” என்றவள்.

தன் முகத்தைப் பார்த்து வழிந்துகொண்டு இருந்தவனின் முகத்தைப் பிடித்து, வாசலைக் காட்டி, “அங்கே பாரு!” என்று அவன் முகத்தைத் திருப்பினாள்.

அப்படியே அசடு வழிய… ஆவணக் காப்பறையின் வாசலைப் பார்த்த ஸ்ரீயின் சிரித்துக்கொண்டு இருந்த உதடுகள் அப்படியே அதிர்ச்சியில் ‘ஆ’ என்று வாயைப் பிளந்துகொண்டு நின்றுவிட்டான்.

வாசலில் விக்கி நின்று இருக்க, அவன் தோளில் கை வைத்தபடி, இவர்கள் இருவரையும் நக்கலாகப் பார்த்தபடி நின்று இருந்தான் கதிர்.

அவன் அருகில் பவனும், மதுவும் நின்று இருக்க… அவர்கள் பின்னால் அலுவலகத்தில் வேலை செய்யும் மொத்த ஆட்களும் அங்குதான் நின்று இருந்தனர்.

இவன் ரியாவிடம் ‘லவ் யூ…’ என்று சொன்னது, வெளியே இருப்பவர்களுக்கு எல்லாம் கேட்கும்படி கத்தியிருக்கிறான்.

அதை அந்த வழியில் சென்ற கதிரும், விக்கியும் கேட்டு, “இந்தக் குரல் நம்ம ஸ்ரீயுடையதுதானே? இவன் என்ன ‘ஐ லவ் யூ ரியா’ன்னு அந்த ரூம்ல வச்சுக் கத்திட்டு இருக்கான்? ஒருவேளை நாம ரியா கிட்ட ஸ்ரீ ஏன் பேசக்கூடாதுன்னு சொன்னதுனால, அவர்கிட்ட பேச முடியலைன்னு பதில் தனியாகக் கட்டிக்கிட்டு இருக்கானோ?” என்று யோசனையோடு விக்கியும், கதிரும் ஆவணக் காப்பறைக்குள் வர, அதே சத்தம் மற்றவர்களுக்கும் கேட்க, பவன், மது முதற்கொண்டு, மற்ற அனைத்து ஊழியர்களும் வாசலில் நின்று உள்ளே எட்டிப் பார்க்க, அங்கே ஸ்ரீ ரியாவின் முன்பு மண்டியிட்டுத் தன் காதலை வெளிப்படுத்திக்கொண்டிருந்தான்.

ஸ்ரீ ரியாவிடம், “எப்போது நாம் திருமணம் செய்துகொள்ளலாம்?” என்று கேட்டதற்குத் தான், கதிர், “நான் உனக்காக அவள் அண்ணன் கல்யாணத்துக்கு அப்புறமே உனக்கும் திருமணம் செய்து கொள் என்று சொன்னேன்,” என்று நினைத்தான்.

வாசலில் நின்றுகொண்டு அனைவரும் ஸ்ரீயைப் பார்க்க…

வாய் பிளந்தபடி அவர்களை அதிர்ச்சியோடு பார்த்த ஸ்ரீ, ரியாவைப் பார்க்க…

“இப்போ என்னைப் பார்த்து என்ன செய்றது?” என்றவள், அவன் வாயை மூடிவிட்டு, திரும்பி நேராகக் கதிரிடமும், விக்கியின் முன்பும் வந்து நின்ற ரியா.

“சார்… சார்… அது வந்து…” என்று தயங்கிப் படியாய் நிற்க…

“நீ எதுவும் சொல்ல வேண்டாம்மா. எங்களுக்கு எல்லாமே நல்லா புரியுது. அவன் உன்ன லவ் பண்றேன்னு சொல்லி உன்ன டார்ச்சர் பண்ணி உன் பின்னாடி சுத்திக்கிட்டு இருக்கான், அப்படித்தானே? இன்னைக்கு அதையெல்லாம் தாண்டி உன்னை இந்த ரூமுக்குள்ள இழுத்துட்டு வந்து, உன்னை லவ் பண்றேன்னு சொல்லி உன்னை கட்டாயப்படுத்திட்டு இருக்கான், அப்படித்தானே?” என்றான் கதிர்.

“அதில… சார்…” என்று ரியா பேச வர…

“நீ எதுக்கும் கவலைப்படாதமா… இந்த மாதிரி விருப்பம் இல்லாத பொண்ணுகிட்டே காதலிக்கிறேன்னு சொல்லி அவங்களை டார்ச்சர் பண்றதே இவனுங்க மாதிரி ஆளுங்களுக்குப் பிழைப்பாகப் போயிடுச்சு. பொறுக்கிப் பசங்க… இவனுங்களை எல்லாம் போலீஸில் புகார் (கம்பளைண்ட்) பண்ணி, முட்டிக்கு முட்டி தட்டி உள்ளே வைக்கணும்,” என்று ஸ்ரீயைப் பற்றித் தப்புத் தப்பாக ரியாவிடம் சொன்னான்.

அதை கேட்ட கதிர், “ஏன்டா மச்சான், நீயும் தான் நிலானி பின்னாடி லவ் பண்றேன்னு சுத்திக்கிட்டு இருந்த… அப்போ நீயும் பொறுக்கியாடா மச்சான்?” என்று விக்கியை வாரிவிட…

அவன் சொன்னதைக் கேட்டு அவர்கள் அருகில் நின்றிருந்த மது, கதிரிடம், “அப்ப மட்டும் இல்ல கதிர் சார். இப்பவும் என் தங்கச்சியை லவ் பண்றேன்னு ஒரு நிமிஷம் கூட அவளை விடாம அவ பின்னாடியே சுத்திட்டு டார்ச்சர் பண்ணிட்டு இருக்காரு,” என்று சொல்லி சிரித்தாள்.

“ஏன், நான் கொஞ்சம் சீரியஸா பேசிட்டு இருக்கும்போது இப்படி நீங்க ரெண்டு பேரும் சேர்ந்து என்னைக் கேலி பண்ணுறீங்க? அப்புறம் ரியா எப்படிடா என்னை மதிப்பா? கொஞ்சமாவது என்கூட ஒத்துழைச்சு வாங்களேன்,” என்று கெஞ்ச…

“சரி சரி, இனிமே நாங்க எதுவும் சொல்லல. யூ கன்டினியூ,” என்று கதிர் சொல்ல, மதுவும் தலையாட்டிவிட்டு அமைதியானாள்.

விக்கி சொன்னதுபோல, ஸ்ரீயைப் போலீஸில் பிடித்துக் கொடுத்துவிடுவானோ என்று பயந்து, அவர்களை ரியா பதட்டத்தோடு பார்த்துக் கொண்டிருக்க.

அவர்கள் மூவரும் தங்களுக்குள் ஏதோ இரகசியம் பேசிக்கொள்வதைப் பார்த்த ரியா.

“ஐயையோ!!! உண்மையாவே போலீஸ்கிட்ட ஸ்ரீயைப் பிடிச்சுக் கொடுத்துடுவாங்க போல இருக்கு. இவங்க பேசுறது எல்லாம் பார்த்தால் அப்படித்தான் தெரியுது,” என்று பயந்தவள், நேராக ஸ்ரீயிடம் சென்று அவன் கையைப் பிடித்துக்கொண்டு, “சார், அவர் அப்படி எல்லாம் நீங்கள் நினைக்கிற மாதிரி எதுவும் செய்யல. எனக்கும் அவரைப் பிடிச்சிருக்கு. அதனால்தான் லவ் பண்றேன்னு தெரிஞ்சுட்டு என்கிட்ட ப்ரொபோஸ் பண்ணினான். நீங்க அவரை போலீஸில் எதுவும் பிடிச்சு கொடுத்துடாதீங்க சார், ப்ளீஸ்,” என்றால் ரியா.

ஒரு வழியாக ரியா வாய் திறந்து, ஸ்ரீயைக் காதலிக்கிறேன் என்று அனைவரும் முன்னிலையிலும் சொல்ல…

“அப்பாடா! ஒரு வழியா உன் வாய் திறந்து, அவனை லவ் பண்றேன்னு நீ சொல்லிட்டல்ல… ஸ்ரீ உன்கிட்ட லவ் புரொபோஸ் பண்ணின பிறகும் நீ அமைதியா அவனைப் பார்த்துட்டு இருந்ததைப் பார்த்து, எங்கே நீ மறுபடியும் அவங்ககிட்ட முறுக்கிட்டு போயிடுவியோன்னு நினைச்சு தான் நான் வேணும்னே ஸ்ரீயைப் பற்றித் தப்புத் தப்பாகச் சொன்னேன்,” என்றான் விக்கி.

ஸ்ரீயும் ரியாவும் தங்கள் முகத்தை ஒருவரை ஒருவர் பார்த்தவர்கள், திரும்பி விக்கியும் கதிரையும் பார்க்க…

“என்ன, ரெண்டு பேரும் அப்படிப் பார்க்குறீங்க? போதும் போதும், ரெண்டு பேரும் லவ் பண்ணுவது! போய்ப் அவங்கவங்க வேலையைப் பாருங்க,” என்று கதிர் அவர்கள் இருவரையும் அந்த அறையை விட்டு வெளியே துரத்த…

ரியாவின் கையைப் பிடித்துச் சிரித்துக்கொண்டே அந்த அறையை விட்டு வெளியே வந்த ஸ்ரீ, “சார், நானும் ரியாவும் இன்னைக்கு விடுப்பு (லீவ்)! நாங்க ரெண்டு பேரும் வெளியே ஜாலியா சுத்தப் போறோம். எங்க லவ்வை நாங்க இன்னைக்குப் பூரா கொண்டாடப் போறோம்,” என்று சொல்லிக்கொண்டு, ரியாவை அழைத்துக்கொண்டு அலுவலகத்தை விட்டுச் சென்றான்.

“அடப்பாவி! லவ் செட் ஆன அன்னைக்கே வேலைக்கு மட்டும் போட்டுட்டு ரெண்டு பேரும் கிளம்பிட்டாங்களே,” என்று விக்கி புலம்ப, அங்கிருந்த அனைவரும் சிரித்தனர்.

😱 உண்மை வெளிப்பாடு

தீபா ராதாவைப் பார்த்து, “சந்தோஷ் சார்கிட்ட இப்பவே நான் போய் என்னோட காதலைச் சொல்லி ப்ரொபோஸ் பண்ணப் போறேன்,” என்று சொல்ல, அப்போது அவள் கன்னத்தில் பளார் என்று அறை விழுந்தது.

அவள் கன்னத்தில் அறைந்ததும், தீபாவின் தோழிகள் நாற்காலியில் அமர்ந்திருந்தவர்கள், அவளுக்கு விழுந்த அறையில் இருந்து எழுந்து நிற்க…

அவர்களைவிட மிகவும் அதிர்ச்சியாக, அறையைப் போட்டுவிட்டு உள்ளே வந்த சந்தோஷைப் பார்த்து, ராதா, கீர்த்திகா, நிலானி மூவரும் உறைந்து போய் நின்றனர்.

தீபா கன்னத்தில் கை வைத்துத் தேய்த்தபடி திரும்பி சந்தோஷைப் பார்க்க…

அவன் முகத்தில் அத்தனை கோபத்தையும் வைத்துக்கொண்டு, தீபாவை எரிப்பது போலப் பார்த்தபடி நின்றான்.

“நீ காலேஜுக்குப் படிக்க வந்தியா? இல்ல லவ் பண்றதுக்கு வந்தியா? உணவுக் கூடத்தில் உட்கார்ந்துட்டு என் பேரைச் சொல்லி என்ன ஏலம் விட்டுட்டு இருக்க?”

“எங்கே, இப்ப சொல்லு! நான் உன் முன்னாடி தானே நிற்கிறேன். நீ என்ன லவ் பண்றியா? எங்க வாய் திறந்து சொல்லு பார்க்கலாம். நீ மட்டும் என்னை லவ் பண்றேன்னு சொல்லு பார்ப்போம். அப்படி சொன்னால், அந்த வாயை அடிச்சு ஒடச்சிடுறேன்,” என்று சந்தோஷ் மீண்டும் தீபாவை அடிக்கக் கையை ஓங்க…

சந்தோஷ் தீபாவை அடிக்க ஓங்கிய கையை, ராதா வேகமாக வந்து ராதா தீபாவை அடிக்க விடாமல் நிறுத்தியவள்.

“வாத்தி! என்ன பழக்கம் இது? பொம்பளப் பிள்ளையை கை நீட்டி அடிக்கிறது? நீ இப்படி கிடையாது! அவதான் புரியாமல் பேசுறாளா, நீயும் சின்னப் பொண்ணுன்னு கூடப் பார்க்காமல் கை நீட்டி அடிச்சிட்ட… அவள் வீட்டில் யாராவது பார்த்தால் உன்னை என்ன நினைப்பாங்க?” என்று ராதா தீபாவிற்கு ஆதரவு (சப்போர்ட்) செய்து சந்தோஷிடம் பேச…

“ஏய்! நீ என்ன லூசாடி? உன் புருஷனை உன் கண்ணு முன்னாடியே ஒருத்தி லவ் பண்றேன்னு ப்ரொபோஸ் பண்றேன்னு சொல்றா… அதைக் கேட்டுட்டு அப்படியே நின்னுட்டு இருக்க. நான் மட்டும் உன்னுடைய இடத்துல இருந்திருந்தேன்னா, என்னால இவன் முடியைப் பிடிச்சு ஆட்டி இருப்பேன்,” என்று சந்தோஷ் கோபமாகத் தீபாவை பார்க்க…

“டேய், அவள் மனசுல என்ன இருக்குன்னு தெரிஞ்சுக்கத்தான் நாங்க மூணு பேரும் சும்மா போய்க்கிட்டு இருந்த அவளைப் பிடிச்சு நிப்பாட்டி, உன்னைப் பத்தி கேட்டுக்கிட்டு இருந்தோம். டேய், அவளே சின்னப் பொண்ணு. என்ன பேசுறதுன்னு தெரியாமல் பேசிட்டா. நீ பாட்டுக்கு வந்து இப்படி அவள் கன்னத்துல அறைஞ்சுட்டே! முதல்ல அவகிட்ட மன்னிப்பு கேளு,” என்று ராதா சந்தோஷிற்கு இடிக்க…

ராதாவும், சந்தோஷும் மிகவும் அன்னியோன்யமாகப் பேசுவதையும், தனக்குப் பரிந்து ராதா சந்தோஷிடம் சண்டைக்கு நிற்பதையும் பார்த்த தீபா.

வேகமாக அவர்கள் இருவருக்கும் இடையில் வந்து நின்றவள். “ஐயோ ராதா அக்கா! நீங்க சார்கிட்ட சண்டை போடாதீங்க. எனக்கு உங்க ரெண்டு பேருக்கும் ஏற்கனவே கல்யாணம் ஆயிடுச்சுன்னு முன்னமே தெரியும்,” என்றாள்.

“என்னது? எங்க ரெண்டு பேருக்கும் கல்யாணமான விஷயம் உனக்கு ஏற்கனவே தெரியுமா? அப்படி தெரிஞ்சும் நீ ‘என்ன லவ் பண்றேன்னு’ என் பொண்டாட்டி கிட்ட சொல்லிக்கிட்டு இருக்க?” என்று சந்தோஷ் அவளிடம் எகிறிக் குதிக்க…

“ஐயோ… சார், சும்மா சும்மா கோபப்படாதீங்க! நான் சொல்றது கொஞ்சம் பொறுமையா கேளுங்க,” என்றவள் ராதாவிடம் திரும்பி.

“நீங்க மூணு பேரும் என்னைக் கூப்பிட்டு, சந்தோஷ் சார் பத்தி என்ன நினைக்கிறேன்னு வம்பு இழுத்துப் பேசினப்போ, உங்களை கொஞ்சம் கேலி பண்ணிப் (கலாய்ச்சு) பார்க்கலாம்னு தான் நான் அப்படிப் பொய் சொன்னேன்.”

“உங்க கிளாசுக்கு அன்னைக்கு ஒரு நாள் நான் சாரைத் தேடிட்டு வந்தேன், ஞாபகம் இருக்கா?” என்றால் தீபா..

“ஆமா, அதெல்லாம் நல்லாவே எங்களுக்கு ஞாபகம் இருக்கு. அன்னைக்குத் தானே நீ வந்து இவர்கிட்டச் சிரிச்சுச் சிரிச்சு வளைஞ்சு பேசிக்கிட்டு இருந்த?” என்றால் கீர்த்திகா.

“அக்கா, ‘நான் சிரிச்சு பேசினேன்’னு வேணா சொல்லுங்க, ‘வளைஞ்சு பேசினேன்’னு சொல்லாதீங்க,” என்றவள்.

“அந்த அன்னைக்கு சாயங்காலம் (ஈவினிங்) சார் கூட ராதா அக்கா வண்டியில கிளம்புறதைப் பார்த்தேன். அதைப் பார்த்துட்டுத் தான் அங்கிருந்த சீனியர் ஒருவர்கிட்ட சாரைப் பத்தி கேட்டப்போ. சார் உங்களை லவ் பண்ணிக் கல்யாணம் பண்ணியிருக்காருன்னு சொன்னாரு. எனக்கு சாருக்கும் உங்களுக்கும் கல்யாணம் ஆன விஷயம் ரொம்ப நாளைக்கு முன்னாடியே தெரியும்,” என்றால் தீபா.

“நான் வேணும்னு உங்களையும் உங்க ஃப்ரெண்ட்ஸையும் வம்பு இழுக்கத்தான், சாரை லவ் பண்றதா பொய் சொன்னேன். ஆனா நீங்க இவ்வளவு சீரியஸா எடுத்துக்கிட்டு என்கிட்ட சண்டைக்கு வருவீங்கன்னு தெரியல. ஆனா உங்க எல்லாரையும் விட, சார் ஒரு படி மேலே போய் என்னை அடிக்கவே செய்துவிட்டார்! எப்படி வலிக்குது தெரியுமா?” என்று சொல்லி, கன்னத்தைத் தேய்த்தவாறு சந்தோஷைப் பார்த்துக் கூறினாள் தீபா.

தீபா சொன்னது எல்லாம் கேட்ட கீர்த்திகா, அவளிடம் மிகவும் வருந்தி, “மன்னிக்கவும் (சாரி) தீபா, நாங்க நிஜமாவே ரொம்ப டென்ஷன் ஆயிட்டோம்,” என்றவள், தீபாவின் கையைப் பிடித்து மன்னிப்புக் கேட்க…

“அக்கா, நீங்க எதுக்கு இதுக்கெல்லாம் மன்னிப்பு கேட்டுட்டு இருக்கீங்க? தப்பு என் மேலயும் தான் இருக்கு. நீங்க என்னைக் கூப்பிட்டு சாரையும் என்னையும் பத்தி விசாரிக்கிறப்போவே, நான் எனக்குத் தெரிந்த விஷயத்தை உங்ககிட்ட சொல்லியிருக்கணும். நான் சாரை லவ் பண்றேன்னு அவர் பொண்டாட்டிகிட்டயும் சொன்னா, உங்களுக்குக் கோபம் வருமா வராதா?” என்றால் தீபா.

“கண்டிப்பா வரும்,” என்றால் ராதா சிரித்துக் கொண்டே.

மற்றவர்களும் அவர்களுடன் சேர்ந்து சிரிக்க…

இவர்களையெல்லாம் பார்த்த சந்தோஷ், “அப்போ நான் தான் இங்கே பலிக்கடாவா? இப்போ நான் தீபாவை அடிச்சுக் கெட்டவனாகிவிட்டேனே,” என்றான் வருத்தமாக.

“அதனால என்ன சார்? அதெல்லாம் நான் ஒன்னும் நினைக்கல,” என்றால் தீபா.

“அப்போ இவ இவ்வளவு வாய் பேசினதற்கு, இன்னோரு அறை விட்டிரு வாத்தி,” என்றாள் ராதா.

“ஆமா ராதா! கொஞ்ச நேரத்துல என்ன எவ்வளவு டென்ஷன் பண்ணிட்டா,” என்று சொல்லி, வேண்டும் என்றே தீபாவை அடிப்பது போல நடிக்க…

தீபா அலறியபடி, “ஐயோ… நான் இந்த விளையாட்டுக்கு வரலை! ஆளை விடுங்க!” என்று சொல்லி அங்கிருந்து ஓடினாள்.

படிச்சிட்டு மறக்காம கமெண்ட் பண்ணுங்க